Дөңгелек үстел

2023 жылдың 19 сәуірінде Жарқайың ауданының ПБ-де «Қазіргі жағдайдағы білім беру ұйымдарының қауіпсіздігі» тақырыбында дөңгелек үстел өтті. Дөңгелек үстелге Жарқайың ауданы ПБ бастығының бірінші орынбасары полиция подполковнигі С.К. Токенаев, ЖПҚБ ЮПТ аға инспекторы полиция майоры Д.К. Жуматаева, Жарқайың ауданы ТЖБ аға инженері азаматтық қорғау аға лейтенанты М.Н. Бердыгалиев, «Ақмола облысы білім басқармасының Жарқайың ауданы бойынша білім бөлімі» ММ басшысының міндетін атқарушы Б.Т. Берлибекова қатысты. С.К. Токенаев білім беру ұйымдарының қауіпсіздігін қамтамасыз ету мәселесінің ерекше маңыздылығы мен өзектілігін атап өтті. Сондықтан ауданның әрбір мектебін полицияны шұғыл шақыру түймелерімен – «дабыл түймесімен» жабдықтау, оқушылар арасында құқыққа қайшы әрекеттер фактілерін анықтау үшін ауданның барлық жалпы ортабілім беру мекемелерінде анонимді сауалнама жүргізу қажеттігін айтты.