Абай атындағы мектепте оқу үдерісіне жасанды интеллектті енгізуге арналған аудандық семинар

Бүгін «Абай атындағы жалпы орта білім беретін мектеп» КММ-де оқу үдерісіне  жасанды интеллектті енгізуге арналған шабыттандыратын аудандық семинар өтті. Семинар қонақтары табалдырықтан аттаған сәттен-ақ жылы шырай мен қонақжайлықты сезінді. Домбыраның қоңыр үні мен халық музыкасының әсем әуендерімен ұлттық киім киген оқушылар қатысушыларды қарсы алды. Қонақтарды қарсы алудың басты нышаны ретінде ыстық, қызара піскен бауырсақтар ұсынылды.

Әріптестер арасындағы кедергілерді жойып, оларды жағымды көңіл күйге бөлеу мақсатында мектептің педагог-психологі С.Р.Маржина тренинг өткізді. Тренингтен кейін педагогтердің жасанды интеллектті қолдану деңгейі қай сатыда екені көрнекі түрде байқалды.

Мектептің педагогтері ашық сабақтар барысында нейрожелілердің күрделі сабақтарды интерактивті зерттеуге қалай айналдыратынын көрсетті. Химия сабағында Е.А.Багисов виртуалды зертханада тәжірибелердің жүргізілуін бақылау үшін (QR) жасанды интеллектті қолданса, математика сабағында  Люц Я.А. әрбір оқушының деңгейіне бейімделген жекелендірілген есептерді генерациялады. География пәнінің мұғалімі Е.Н.Небольсина бағдарлама арқылы жасалған бейнероликтерді, тест тапсырмаларын визуализациялау үшін NetbookLM қолданды, ал қазақ тілі пәнінің мұғалімі Ж.Ж.Ахметова сабағында нейрожелілердің сөйлеу тілін дамыту мен сауаттылықты тексеруге арналған тиімді тренажерге айналғанын көрсетті. Топтық және жұптық жұмыстар барысында оқушылар өз ойларын дәлелді түрде жеткізіп, пікір алмасуға және мәтінге сүйене отырып жауап беруге дағдыланды. Сабақта қолданылған сұрақтар оқушылардың сыни ойлау қабілетін дамытып, әдеби шығарманы терең түсінуге ықпал етті.

Семинардың теориялық бөлімінде Е.А.Хаким мен Г.В. Первушкина шебер сыныптарын өткізді, Е.Н.Небольсина тәжірибе алмасты. Информатика пәнінің мұғалімі А.Н.Гарифуллин және бастауыш сынып мұғалімі А.С.Тумабаева коучинг өткізіп, мұғалімдерге жасанды интеллект құралдарын өздері сынап көруге, болашақ сабақтардың жоспарларын құруға, сондай-ақ әрбір оқушыға арналған түрлі деңгейдегі тапсырмалар дайындауға мүмкіндік берді. Әріптестер өз пікірлерінде жасанды интеллекттің жұмыстарды тексеру мен оқу материалдарын дайындау барысында уақытты едәуір үнемдейтінін атап өтті.

Педагогтердің цифрлық құзыреттілігін арттыру аясында информатика пәнінің мұғалімі Ермек Алтайулы білім беру үдерісінде заманауи онлайн платформалар мен жасанды интеллект құралдарын қолдануға арналған шебер сыныбын өткізді. Іс-шара барысында қатысушыларға қысқа мерзімді сабақ жоспарларын (ҚМЖ) әзірлеуге арналған iteacher.kz платформасы таныстырылды. Мұғалімдер сервистің білім беру талаптарына сәйкес сабақ жоспарларын жылдам әрі ыңғайлы түрде құруға, сондай-ақ оларды әртүрлі пәндер мен оқыту деңгейлеріне бейімдеуге мүмкіндік беретін функционалдық мүмкіндіктерімен танысты.

Wayground.com платформасында интерактивті тесттер құруға ерекше назар аударылды. Шебер сыныбына қатысушылар формативті және жиынтық бағалауға арналған тапсырмаларды әзірлеу, дайын шаблондарды пайдалану және білім алушылардың нәтижелерін нақты уақыт режимінде талдау жолдарымен танысты. Педагогтердің қызығушылығын character.ai платформасы тудырды. Бұл платформа атақты және тарихи тұлғалармен виртуалды диалог жүргізуге мүмкіндік береді. Аталған құрал оқушылардың оқу мотивациясын арттырудың, сыни ойлауын дамытудың және оқытылатын тақырыптарға қызығушылығын қалыптастырудың тиімді тәсілі ретінде таныстырылды.

Сонымен қатар мәтіндік ақпаратпен жұмыс істеуге арналған notebooklm.google.com сервисінің мүмкіндіктері көрсетілді. Мұғалімдер бұл құралдың көмегімен оқу материалдарын талдау, ақпаратты құрылымдау және сабаққа дайындалу барысында интеллектуалдық кеңестер алу жолдарын үйренді.

Шебер сыныбының қорытынды бөлімінде анимациялар мен бейне контент жасауға мүмкіндік беретін Grok және CapCut платформаларымен таныстыру жүргізілді. Аталған құралдарды оқу материалын визуализациялау және сабақтардың көрнекілігін арттыру мақсатында қалай қолдануға болатыны көрсетілді.  Өткізілген шеберлік сыныбы білім беру тәжірибесінде цифрлық платформалар мен жасанды интеллект технологияларының жоғары әлеуетін айқын көрсетіп, қатысушылардың үлкен қызығушылығын тудырды.

Аудандық «Жасанды интеллект және білім берудегі цифрлық құралдар: мүмкіндіктері, тәжірибесі және перспективалары» семинары аясында Первушкина Галина Васильевна өткізген «Оқыту сапасын арттыру үшін жасанды интеллект құралдарын қолдану» атты шеберлік сыныбы аудан педагогтері үшін өзекті, тәжірибеге бағытталған және мазмұнды іс-шара болды.

Шебер сыныбының басында Галина Васильевна қатысушыларға екі қарама-қайшы бейнероликті көрсету арқылы проблемалық жағдай жасады: бір бейнероликте жасанды интеллект мұғалімнің орнын баса алатыны айтылса, екінші бейнероликте педагогтың тұлға ретінде рөлі мен ЖИ-ге қарсы салмақтылығы атап өтілді. Мұндай тәсіл бірден ой-пікірталасқа бағыт беріп, әрбір қатысушыға білім беру саласында жасанды интеллектті қолдануға қатысты өз ұстанымын түсінуге мүмкіндік берді.

Шебер сыныбы қатысушылар тарапынан жоғары баға алды, тәжірибеге бағытталғандығы мен материалдың қолжетімді түрде ұсынылуымен ерекшеленді және педагогтердің оқытуда жасанды интеллектті қолдануға деген позитивті әрі саналы қарым-қатынас қалыптастыруға ықпал етті.

Педагогтер атап өткендей, мұндай технологиялар мұғалімнің орнын баспайды, керісінше оқушылардың пәнге қызығушылығын арттыратын қуатты көмекшіге айналады. Кездесудің соңында қатысушылар алған білімдерін күнделікті тәжірибелеріне енгізуге дайын екендіктерін білдіріп, өткізілген семинар үшін шексіз алғыстарын айтты.