Біз Қазақстан балаларымыз

Жарқайың ауданының «Білім бөлімі» ММ аудандық Мәдениет үйінде бірыңғай «Жас Ұлан», «Жас Кыран» балалар мен жасөспірімдер ұйымы қоғамдық бірлестігінің «Super- Star- Жастар!» ұранымен аудандық слеті өткізілді.

Ұйымның мақсаттары мен міндеттері:

-  өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгінгі мен болашағына деген жауапкершілікті қалыптастыру;

-  Қазақстан халқының тілін, мәдениетін, тарихын білу негізінде өскелең жас ұрпақтың бойында рухани-адамгершілік әлеуетті қалыптастыру;

-  балалар мен жасөспірімдердің азаматтық белсенділігі мен саналылығын арттыру;  -  танымдық жұмыстарды ынталандыру;

-  балалар мен жасөспірімдердің зияткерлік, шығармашылық және әлеуметтік  дамуы үшін қолайлы жағдай жасау;

-  жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.

Слетке аудан бойынша 17 білім беру мекемесі қатысты.Байқау қорытындысы бойнша орта білім беру мекемелерінен арасынан 1-орынға Гастелло ОМ,  2-орынға  Н.Крупская атындағы орта мектебі, Уәлихан орта мектебі, , 3-орынға А.Үкібаев атындағы  орта мектебі ие болды. Негізгі мектептер арасынан І-орынға Шойындыкөл негізгі мектебі, ІІ-орынға Өмірлік мектебі, ІІІ-орынға Кен   негізгі мектебі ие болды. Іс-шара өз дәрежесінде өтті.