Ақмола облысының химия педагогтары 2024 жылғы 4-6 желтоқсанда Алматы қаласында өткен химия және химиялық технология бойынша XII Халықаралық Беремжанов съезіне қатысып, кәсіби белсенділіктің жоғары деңгейін көрсетті.

Қатысушылар арасында «Ақмола облысы білім басқармасының Жарқайың ауданы бойынша білім бөлімі Отрадное ауылының негізгі орта мектебі» КММ  атынан химия педагогы Ж.Т. Мыңбаева болды. Оның қатысуы аймақтық педагогтардың тұрақты кәсіби дамуға және әлемдік химиялық қоғамдастыққа интеграциялануға деген ұмтылысын көрсетеді.

Он екінші рет өткізіліп отырған Беремжанов съезі Қазақстанның көрнекті ғалымы және педагогы — Батырбек Ахметұлы Беремжановты еске алуға арналған. Оның химия саласындағы ғылыми жаңалықтары мен педагогикалық қызметі химия ғылымының дамуына және Қазақстанда мамандар даярлауға үлкен әсер етті. 1996 жылдан бастап съездер елдің жетекші ғылыми-білім беру орталықтарында 4-5 жыл аралығымен өткізіліп келеді және олардың әрқайсысы іргелі және қолданбалы химия, сондай-ақ химиялық білім беру саласындағы маңызды халықаралық ғылыми форумға айналады. XII съезде әлемдік және отандық химия ғылымының негізгі жетістіктері талқыланды. Іс-шараның тақырыбы жаңа органикалық және бейорганикалық материалдарды (наноматериалдар мен нанотехнологияларды қоса алғанда) әзірлеуді, электрохимиялық энергетика мәселелерін, Өсімдік шикізатынан алынатын энергия мен отынның баламалы көздерін, заттарды талдаудың және химиялық процестерді зерттеудің заманауи әдістерін жасауды, сондай-ақ химия ғылымының басқа да өзекті мәселелерін қамтитын кең ауқымды бағыттарды қамтыды.

Съезд шеңберінде ғылымның, бизнестің және өнеркәсіптің өзара іс-қимылына ерекше назар аударылды, бұл ғылыми зерттеулерді өндіріске интеграциялаудың қазіргі заманғы үрдісін көрсетеді. Съезд жұмысына Қазақстанның және басқа елдердің ғалымдары, сондай-ақ фармацевтика саласын қоса алғанда, химиялық өнімдер мен материалдар өндірумен айналысатын компаниялардың өкілдері қатысты. Компаниялар өз қызметінің нәтижелерін және химия өнеркәсібіндегі прогреске ықпал ететін инновациялық әзірлемелерді ұсынды. Іс-шара бағдарламасына панельдік пікірталастар, пленарлық отырыстар, постерлік баяндамалар, химия және химиялық технология саласындағы жетістіктерге арналған көрмелер кірді. XII Халықаралық Беремжанов съезі ғалымдар, педагогтар мен өнеркәсіпшілер арасында білім мен тәжірибе алмасудың бірегей алаңына айналды, жаңа ашылулар жолында ғылым мен білімнің ынтымақтастығын нығайта түсті.